Mandan Onthu-മണ്ടൻ ഓന്ത്

                       ഒരു സിനിമ എടുക്കുന്നത് എങ്ങനെ എന്ന് അറിയാനുള്ള ആഗ്രഹം മൂത്ത്..മൂത്ത് ഒരാനയോളം വലിപ്പമായപ്പോൾ പോയി ഒരു ഷോര്ട്ട് ഫിലിം എടുത്ത് നോക്കി...അതാണ്‌ ഈ മണ്ടൻ ഓന്ത്...കൈയിൽ കിട്ടിയവരെയൊക്കെ നടന്മാരാക്കി ...സുഹൃത്തുക്കൾ വഴി എഡിറ്റർ ...സൌണ്ട് ഡിസൈനർ എന്നിവരെ സംഘടിപ്പിച്ചു...നമ്മുടെ നടന്മാർക്ക് ചേരുന്ന രീതിയിൽ ഒരു തിരകഥ ഒരുക്കി...അങ്ങനെ ഞാൻ ആദ്യമായി സംവിധാനം ചെയ്ത സിനിമ ഇക്കഴിഞ്ഞ ദിവസം പുറത്തിറക്കി...കൂടാതെ ഒരു ഷോര്ട്ട് ഫിലിം ഫെസ്റ്റിവലിനും അയച്ചു. ചിത്രം ബെസ്റ്റ് ആക്ടർ category യിൽ നോമിനഷനും നേടി. ഇപ്പോ പെരുത്ത് സന്തോഷവും ആത്മവിശ്വാസവും തോന്നുന്നു. എന്റെ ഈ സംരംഭത്തിന് നിങ്ങളുടെ എല്ലാവിധ സഹകരണവും പിന്തുണയും പ്രതീക്ഷിക്കുന്നു.മുന്നോട്ടുള്ള വഴികളിൽ വെളിച്ചം പകരുവാൻ നിങ്ങളുടെ വിശദമായ അഭിപ്രായങ്ങൾ ആവശ്യമാണ്‌. അടുത്തതായി കുറച്ചു കൂടി നല്ല ഒരു ചിത്രം ചെയ്യണം എന്നുണ്ട്.നല്ല കഥകൾ കൈവശം ഉള്ളവർക്ക് സമീപിക്കാവുന്നതാണ്.ഇതിനുള്ള കോട്ടങ്ങളും നേട്ടങ്ങളും ഒരേ മനസോടെ അറിയാൻ ആഗ്രഹിച്ചുകൊണ്ട്‌ എന്റെ ഈ എളിയ സംരംഭം നിങ്ങൾക്കുമുന്നിൽ സാദരം സമർപ്പിക്കുന്നു.
                                                                                                                               നിങ്ങളുടെ സ്വന്തം
                                                                                                                                   വിശ്വസ്തൻ


Mandan onthu poster-1


Mandan onthu poster-2


Mandan onthu poster-3

Mandan onthu poster-4

Mandan onthu poster-5
Mandan onthu poster-6
Mandan onthu poster-7
...WATCH NOW...
           

മുന്താരി...സത്യമോ മിഥ്യയോ ?

           ഇന്ദുചൂഡൻ(വിശ്വസ്തൻ )  തിരിച്ച് വരുന്നു....ഒരു നീണ്ട ഇടവേളക്ക്  ശേഷം   ഇന്ദുചൂഡൻ തിരിച്ചു വരുന്നു.പുതിയ കളികൾ കാണനും ചിലത് കാണിച്ച് പഠിപ്പിക്കാനും... (കടപ്പാട് ,നരസിംഹം മൂവി ).

കൂടുതലൊന്നും പറയുന്നില്ല തൽക്കാലം നാലുവരി കവിത ചൊല്ലി കാര്യത്തിലേക്ക് കടക്കാം ...

"വാളല്ലെന്‍ സമരായുധം‌,ത്ധണത്ധണ-

ധ്വാനം മുഴക്കീടുവാ-
നാളല്ലെന്‍ കരവാളു വിറ്റൊരു മണി-
പൊന്‍ വീണ വാങ്ങിച്ചു ഞാന്‍"
                                  (വയലാര്‍ ,സര്‍ഗഗസംഗീതം)

മുന്താരി എന്നാ ഒരു ഗ്രാമത്തെ കുറിച്ച് പണ്ടെന്നോ കണ്ട വാര്‍ത്ത എനിക്ക് പെട്ടന്ന് ഓര്മ വന്നു.അത് നിങ്ങളെ കൂടി അറിയിക്കണമെന്ന് തോന്നി അതാണി പോസ്റ്റ്‌.



ഇതില്‍ പറയുന്നതുപോലെ സാധ്യമാണെങ്കില്‍ നമ്മള്‍ എന്തിനു കറണ്ട് ബില്ല് കൂട്ടുന്നത്‌ കേട്ട് ടെന്ഷനടിക്കണം?

എന്തിനു KSEB അടിക്കടിക്ക് കറണ്ട് ചാര്‍ജ് കൂട്ടണം?

ആര്‍ക്കെങ്കിലും ഇതിനെ കുറിച്ച് കൂടുതല്‍ അറിയാമെങ്കില്‍ ദയവായി share ചെയ്യുക.
                                                        
                                                                                                                                         വിശ്വസ്തന്‍

മലയാള സിനിമക്ക് മധുപാലിന്റെ സമ്മാനം-ഒഴിമുറി

                ഇതൊരു പുതിയ തുടക്കമാണ്.ഒരാളുടെ ബ്ലോഗില്‍ 
മറ്റൊരാള്‍ എഴുതിയ പോസ്റ്റ്‌ .ഞാനീ പരീക്ഷണത്തിന്‌ ഇവിടെ തുടക്കം കുറിക്കുന്നു.എന്റെ ബ്ലോഗിലെ ഒരു ഫോളോവര്‍  ആയ റിയാസ് എന്ന സുഹൃത്ത് അയച്ചുതന്ന ഒരു പോസ്റ്റ്‌ ഞാനിവിടെ പബ്ലിഷ് ചെയുന്നു.ഒഴിമുറി  എന്ന ചിത്രത്തെക്കുറിച്ച് റിയാസ് എഴുതിയ അഭിപ്രായം നിങ്ങള്‍ക്ക്  ഇവിടെ വായിക്കാം,അഭിപ്രായം രേഖപെടുത്താം.

                             

          സിനിമയിലെ ഒരു ഡയലോഗിലൂടെ തന്നെ തുടങ്ങാം 

"പത്തു മാസം കൊണ്ട് ഒരു സ്ത്രീക്ക് ഒരമ്മയാകാം ...  പക്ഷെ 

മനസ്സ് കൊണ്ട് ഒരച്ചനാകാന്‍............... ? 

                                                                                                                                                                                                                             
മലയാളിക്ക് ഓര്‍മിക്കാന്‍ ഒരുപിടി നല്ല ചിത്രങ്ങളുണ്ട്.

ഏതൊക്കെ എന്ന്  ചോദിച്ചാല്‍ എല്ലാവരും പറയും പദ്മരാജന്റെ 

സിനിമ, ഭരതന്റെ സിനിമ എന്നൊക്കെ. അതെല്ലാം വളരെ നല്ല 

സിനിമകള്‍ തന്നെ പക്ഷെ എന്തുകൊണ്ട് ഈ കാലഘട്ടത്തില്‍ 

ഒരു നല്ല സിനിമ ജനിക്കുന്നില്ല എന്നതിനുള്ള പൂര്‍ണ്ണ 

മറുപടിയാണ് മധുപാലിന്റെ 'ഒഴിമുറി"...


ബന്ധങ്ങള്‍ക്ക് ഒരു വിലയും കല്‍പ്പികാത്ത അശ്ലീല 

സംഭാഷണങ്ങളും , ചളിച്ച കോമടിയും തിക്കി നിറച്ചു ന്യൂ 

ജനറേഷന്‍ എന്നൊരു ലേബലും ഒട്ടിച്ചു വിടുന്ന പല 

സിനിമകള്‍ക്കും നേരയുള്ള ഒരു ചോദ്യ ചിഹ്നം തന്നെയാണ് 

ഒഴിമുറി എന്ന് തീര്‍ത്തു പറയാം,കാരണം ഈ സിനിമയില്‍ അച്ഛന്‍ 

ഉണ്ട്, അമ്മയുണ്ട് , മകനുണ്ട് ,മകളുണ്ട്..അങ്ങിനെ നിത്യ 

ജീവിതത്തില്‍ നമ്മള്‍ സ്നേഹിക്കുന്ന എല്ലാവരുമുണ്ട്.

അതിലുപരി ഈ കഥാപാത്രങ്ങള്‍ തമ്മിലുള്ള ബന്ധങ്ങളുടെ വില 

ഒട്ടും നിറം മങ്ങാതെ വരച്ചു കാണിക്കാന്‍ മധുപാലിനു 

കഴിഞ്ഞിരിക്കുന്നു. ഇത് തന്നെയാണ് ഈ സിനിമയുടെ 

പ്രത്യകത.കഥ പറയുന്ന കാലം പഴയതാണെങ്കിലും , കേരളത്തില്‍ 

ഹര്‍ത്താല്‍ പോലെ നടക്കുന്ന മറ്റൊരു ഉത്സവമാണല്ലോ ഇന്ന് 

divorce ..അതിന്റെ കാര്യകാരണങ്ങളിലേക്ക് വ്യക്തമായ 

ദിശാബോധത്തോടെ  സമീപിക്കാന്‍ ഈ ചിത്രത്തിന് 

കഴിഞ്ഞീട്ടുണ്ട് ...


ചിത്രത്തിന്റെ ക്ലൈമാക്സില്‍ തിരക്കഥാകൃത്ത്  ചിന്തികുന്നതുപോലെ 

എല്ലാവര്‍ക്കും ചിന്തിക്കാന്‍ കഴിഞ്ഞിരുന്നെങ്കില്‍ എന്ന് 

അറിയാതെ ആഗ്രഹിച്ചു പോകുന്നു... 


നല്ല സിനിമയെ സ്നേഹിക്കുന്ന പ്രേക്ഷകര്‍ ഒട്ടും സമയം 

കളയാതെ ഈ സിനിമ കാണുക, നിങ്ങള്‍ക്കിതിലെ കാഴ്ചകളും, 

ആശയവും തീര്‍ത്തും പുതിയൊരു അനുഭവമായിരിക്കും...!!

                                                                        
                                                                          റിയാസ്